بالنسبه لتعلم Simulation في الطاقه الشمسيه
1- برنامج PVsyst دي من افضل برامج Simulation في الطاقه الشمسيه بيعمل محاكاه لاحمال AC واحمال DC والمضخات
البرنامج بتديله بيانات الموقع بتاعك والخلايا اللي بتستخدمها وغيرها .. وبيديك الخرج عباره عن تقرير كامل شامل الحسابات الفلكيه لشده الاشعاع والانتاج السنوي للتصميم وعدد module للخلايا وطرق توصيلها وغيره من الحسابات حسب النظام
برنامج PVsyst ليه نسخه Demo تقدر تحملها وتشتغل عليها وانت في البيت
2- برنامج SAM ودا برنامج ممتاز بيعمل Simulation لحاجات كتير من ضمنها الاحمال وانظمه الطاقه الشمسيه الحراريه والسخانات الشمسيه وطاقه الرياح و Biomass
برنامج SAM بتديله الدخل عباره عن بيانات الموقع والخلايا وغيره حسب النظام وبيديك الخرج علي شكل رسومات للقدره الخارجه والحسابات الفلكيه لشده الاشعاع السنوي وغيره
برنامج SAM ليه نسخه Demo تقدر تحملها وتشتغل عليها في البيت
3- برنامج PVsol من اقوي البرمج اللي بتعمل حسابات Shading في الطاقه الشمسيه للتصميم بتعرف من خلاله ازاي تظبط حسابات التظليل والمسافات اللي هتسيبها بين الخلايا حسب المكان والارتفاعات اللي جمبه وغيره
برنامج PVsol ليه نسخه Demo تقدر تحملها وتشتغل عليها وانت في البيت
http://www.valentin-software.com/…/photovo…/57/pvsol-premium
4- برنامج Sketch up +Archelios برنامج Sketch up بتقدر من خلاله ترسم البيت وابعاده وتجيب الخلايا من Archelios وتسقطها علي البيت وتشوف الخرج بتاعك وشكل البيت لما هيشتغل بالطاقه الشمسيه
البرنامجين تقدر تحملهم وتشتغل عليهم من البيت
5- برنامج TRNSYS من البرامج المييزه في الطاقه الشمسيه واللي بتعمل Simulation لا نظمه تسخين المياه بالطاقه الشمسيه وتشوف العمليه كامله علي البرنامج
برنامج TRNSYS ليه نسخه Demo تقدر تحملها وتشتغل عليها وانت في البيت
6- برنامج MATLAB من البرامج اللي بتعمل Simulation للخلايا الشمسيه وبيوضح شكل power وشكل الفولت والامبير و IV-curve
برنامج MATLAB تقدر تحمله وتشتغل عليه من البيت
----------------
Mohamed Abdallah
للمزيد اظغط على الصورة ادناه
ليست هناك تعليقات:
إرسال تعليق